ពិធីប្រគល់វិញ្ញាបនបត្រ ដល់សិក្ខាកាមដែលបានបញ្ចប់ វគ្គបណ្តុះបណ្តាល កុំព្យូទ័រជំនាន់ទី១

នៅព្រឹកថ្ងៃ
ទី៨កើត ខែ
អស្សុជឆ្នាំឆ្លូវ
ឯកស័កព.ស.
២៥៥៣ ត្រូវ
នឹងថ្ងៃទី២៧
កញ្ញាម្សិល
មិញនេះនៅ
ទីស្នាក់ការ
សម្ព័ន្ធសមណនិស្សិត និស្សិតខ្មែរកម្ពុជាក្រោម បានបើកពិធី
ប្រគល់វិញ្ញាបនបត្រដល់សិស្ស និស្សិត ចំនួន២៦អង្គ/រូប។
ដែលបានបញ្ចប់វគ្គបណ្តុះ បណ្តាលកុំព្យូទ័រ ជំនាន់ទី១ ក្រោម
អធិបតីភាពព្រះញាណវង្ស ឃឹម សន ព្រះរាជាគណៈថ្នាក់ត្រី
ព្រះបាឡាត់គណរាជធានីភ្នំពេញ និ​ងជាព្រះពហុស្សុតស្តាំ
វត្តបទុវតីរាជវរារាម ។

ព្រះតេជព្រះគុណ ចន្ទ សុផាត ព្រះប្រធាន សម្ព័ន្ធសមណ និស្សិត និស្សិតខ្មែរកម្ពុជាក្រោម

ក្រោយពីមានការជួបជុំសិស្ស និស្សិត ព្រមទាំងការនិមន្តមកដល់នៃ

គណៈអធិបតីរួច កម្មពិធីបានប្រព្រឹត្តទៅដោយ ព្រះតេជព្រះគុណ

ចន្ទ សុផាត ព្រះប្រធាន សម្ព័ន្ធសមណនិស្សិត និស្សិតខ្មែរកម្ពុជា

ក្រោម បានឡើងថ្លែងសុន្ទរកថាស្វាគមន៍ និងបើកកម្មវិធី ។ ក្នុង

សុន្ទរកថានេះដែរព្រះអង្គក៏បានលើកឡើងអំពីប្រវត្តិសង្ខេបរបស់

សម្ព័ន្ធសមណនិស្សិត និស្សិតខ្មែរកម្ពុជា ក្រោមថាៈ សម្ព័ន្ធសមណ

និស្សិត និស្សិតខ្មែរកម្ពុជាក្រោម គិតមកដល់បច្ចុប្បន្នបាន៣អាណត្តិ

ហើយ ដោយក្នុងអាណត្តិទី១ មានលោកគ្រូបណ្ឌិតយៀង វណ្ណា

ជាប្រធាន អាណត្តិទី២ មានព្រះតេជព្រះគុណ ចៅ សាង ជាប្រធាន

និងអាណត្តិទី៣នេះគឺព្រះ អង្គផ្ទាល់ជាប្រធាន ។ ព្រះអង្គបានបន្ត

ទៀតថា សកម្មភាពទាំងឡាយនៃ ស.ន.ខ.ក.ក. ដែល អាចដំណើរ

ការនិងប្រព្រឹត្តទៅបានដោយមានការចូលរួមយ៉ាងសកម្មពីសំណាក់

គណកម្មការ គណកម្មការនាយក ទាំងអស់ដែលបានលះបង់យ៉ាង

អស់ពីកម្លាំងកាយ/ចិត្ត ក្នុងការបំពេញភារកិច្ចនេះ ។ ព្រះអង្គក៏បាន

បញ្ចប់នូវសុន្ទរកថា ដោយបានបញ្ចាក់ថា មកដល់បច្ចុប្បន្ន វគ្គបណ្តុះ

បណ្តាលនេះធ្វើឡើងបាន៣ជំនាន់ហើយដោយមានសិស្ស និស្សិត

សរុបប្រមាណជា ៣០៥អង្គ/រូប ។

ព្រះតេជព្រះគុណ សម សុជាតិ ដំណាងឲ្យ សិស្ស និស្សិត

បន្ទាប់ពីព្រះប្រធាន ស.ន.ខ.ក.ក. បានបញ្ចប់នូវសុន្ទរកថា ដ៏ពោរ
ពេញទៅដោយអត្ថន័យ និង ខ្លឹមសារមក ។ ព្រះតេជព្រះគុណ
សម សុជាតិ ដំណាងឲ្យ សិស្ស និស្សិត បានឡើងថ្លែងសុន្ទរកថា
ចំណាប់អារម្មណ៍ក្នុងពិធីនេះថា ឆ្លងកាត់ការបណ្តុះបណ្តាលអស់
រយះពេល ៣ខែប្លាយ ថ្វីត្បិតតែវាមិនបានចេញជារូបរាងធំដុំក៏ដោយ ក៏វាអាចជួយបានជាចំណុចណាមួយដល់ព្រះអង្គ ក៏ដូចជាសិក្ខាកាម
ទាំងអស់ ។ ព្រះអង្គបានបន្តថា សមដូចជាពាក្យមួយឃ្លាបានពោល បើយើងមិនអាចធ្វើជាព្រះច័ន្ទដើម្បីបំភ្លឺពិភពលោកទាំងមូលបាន
ក៏ដោយ យ៉ាងហោចណាស់ក៏យើងអាចឆ្នៃវាឲ្យក្លាយទៅជាចង្កៀង
គោមមួយដើម្បីបំភ្លឺ ដល់អ្នកដែលនៅជិតខ្លួនយើងបានដែរ ។ ជាចុង
ក្រោមព្រះអង្គបានថ្លែងអំណរគុណយ៉ាងជ្រាវ ជ្រៅ និង អស់ពីចិត្ត
ចំពោះ ស.ន.ខ.ក.ក. ដែលបាន បើកវគ្គបណ្តុះបណ្តាលនេះឡើងក្នុង
ទិសដៅ បណ្តុះបណ្តាលធនធានមនុស្ស ។

ព្រះញាណវង្ស ឃឹម សន ព្រះរាជាគណៈថ្នាក់ត្រី ព្រះ
បាឡាត់គណរាជធានីភ្នំពេញ និ​ងជាព្រះពហុស្សុតស្តាំ វត្តបទុមវតី

ក្រោមអធិបតីភាព ព្រះញាណវង្ស ឃឹម សន ព្រះរាជាគណៈថ្នាក់ត្រី
ព្រះបាឡាត់គណរាជធានីភ្នំពេញ និ​ងជាព្រះពហុស្សុតស្តាំ វត្តបទុមវតី
ព្រះអង្គបានថ្លែងសុន្ទរកថា ចំណាប់អារម្មណ៍ក្នុងពិធីនេះថាជាដំបូង
ព្រះអង្គសូមថ្លែងណរគុណយ៉ាងជ្រាវជ្រៅដល់ ស.ន.ខ.ក.ក.ដែលបាន
ខិតខំពុះពារនូវរាល់ឧបស័គ្គដើម្បីបើកវគ្គបណ្តុះបណ្តាលនេះឡើងក្នុង
គោលបំណងរួមជាចំណែកបណ្តុះបណ្តាលធនធានជាតិ ។ ព្រះអង្គ
បានបន្តថា ប្រទេសដែលរីក ចំរើនទៅជាអរិយប្រទេសបាន ពុំអាច
ខ្វះនូវកត្តាពីរយ៉ាងគឺៈ គន្ធធុរៈ និងវិបស្សនាធុរៈនោះទេ ។

ក្រោយពីព្រះអង្គបានបញ្ចប់សុន្ទរកថាដ៏ពោរពេញទៅដោយអត្ថន័យ
ក្នុងនាមជាគណៈអធិបតីព្រះអង្គបានប្រគល់ប័ណ្ណសរសើរ ដល់
លោកគ្រូចំនួន២ អង្គ/រូប និង វិញ្ញាបនបត្រដល់សិស្ស និស្សិតឆ្នើម
ចំនួន ៥អង្គ/រូប ។

បន្ទាប់ពីគណៈអធិបតីបានប្រគេន ជូនប័ណ្ណសរសើរដល់គ្រូបង្រៀន

នឹង សិស្ស និស្សិតឆ្នើមរួច ព្រះប្រធាន ស.ន.ខ.ក.ក. មួយអន្លើដោយ

តំណាង ការកសង្ឃវត្តបទុមវតី បានឡើងប្រគល់វិញ្ញាបនបត្រចំនួន

២១ អង្គ/រូប បន្តទៀត ។ អង្គពិធីទាំងមូលបានបញ្ចប់ដោយ មានការ

ទទួលទានភ័ត្តថ្ងៃ ត្រង់រួមគ្នានៅកុដិ ១៧ វត្តបទុមវតី ។

រូបថតអានុស្សាវរីយ៍ក្រោយពេលទទួលវិញ្ញាបនបត្រ